Tu Ne Batil Ko Mitaya

تُو نے باطل کو مٹایا اے امام احمد رضا دین کا ڈنکا بجایا اے امام احمد رضا

دور باطل اور ضلالت ہند میں تھا جس گھڑی تو مجدد بن کے آیا اے امام احمد رضا

اہل سنت کا چمن اجڑا ہوا ویران تھا کِھل اٹھا تُو جبکہ آیا اے امام احمد رضا

تُو نے باطل کو مٹا کر دین کو بخشی جلا سنتوں کو پھر جلایا اے امام احمد رضا

اے امام اہل سنت نائب شاہِ امم کیجۓ ہم پہ بھی سایہ اے امام احمد رضا

حشر تک جاری رہے گا فیض آقا آپ کا فیض کا دریا بہایا اے امام احمد رضا

ہے بدرگاہِ خدا عطارؔ عاشق کی دعا تجھ پہ ہو رحمت کا سایہ اے امام احمد رضا