Ronaq e Kul Auliya

رونقِ کل اولیا یاغوثِ اعظم دَسْتْگِیر پیشوائے اَصفیا یاغوثِ اعظم دَسْتْگِیر

آپ ہیں پیروں کے پیراورآپ ہیں روشن ضمیر آپ شاہِ اَتقیا یاغوثِ اعظم دَسْتْگِیر

اولیاء کی گردنیں ہیں آپ کے زیرِ قدم یاامامَ الاولیا یاغوثِ اعظم دَسْتْگِیر

تھر تھر اتے ہیں شہا جِنّات تیرے نام سے ہے ترا وہ دبدبہ یاغوثِ اعظم دَسْتْگِیر

پیدا ہو تے ہی رکھے رَمضاں میں روزے، دن میں دودھ کا نہ اک قطرہ پیا یاغوثِ اعظم دَسْتْگِیر

جس طرح مُردے جِلا ئے اِس طرح مُرشِد مرے مُردہ دل کو بھی جِلا، یاغوثِ اعظم دَسْتْگِیر

اہلِ محشر دیکھتے ہی حشر میں یوں بول اُٹھے مرحبا صد مرحبا یاغوثِ اعظم دَسْتْگِیر

آپ جیسا پیر ہو تے کیا غَرَض دَردَر پھروں آپ سے سب کچھ ملا یاغوثِ اعظم دَسْتْگِیر

گو ذلیل و خوار ہوں بدکار و بدکردار ہوں آپ کا ہوں آپ کا‘ یاغوثِ اعظم دَسْتگِیر

راستہ پُر خار، منزِل دُور، بَن سُنسان ہے المدد اے رہنما! یاغوثِ اعظم دَسْتْگِیر

غوثِ اعظم! آیئے میری مدد کے واسِطے دشمنوں میں ہوں گِھرا یاغوثِ اعظم دَسْتگِیر

آفتیں بھی دُور ہوں ، رنج وبلا کافور ہوں از طفیلِ مصطَفٰے یاغوثِ اعظم دَسْتْگِیر

اِذن دو بغداد کا ہر اک عقیدت مند کو گیارہویں والے پیا یاغوثِ اعظم دَسْتْگِیر

میٹھے مُرشِد حاضِری کو اِک زمانہ ہو گیا در پہ پھر مجھ کوبُلا، یاغوثِ اعظم دَسْتْگِیر

میرے میٹھے میٹھے مُرشِد آیئے نا خواب میں واسطہ سرکار کا، یاغوثِ اعظم دَسْتْگِیر

اپنی اُلفت کی پِلا کر مَے مجھے یامُرشِدی مَست اور بیخود بنا یاغوثِ اعظم دَسْتْگِیر

لمحہ لمحہ بڑھ رہا ہے ہا ئے ! عصیاں کا مَرَض دیجئے مجھ کو شفا‘ یاغوثِ اعظم دَسْتْگِیر

مُرشِدی مجھ کو بنا دے تُو مریضِ مصطَفٰے ازپئے احمد رضا، یاغوثِ اعظم دَسْتْگِیر

اپنے رب سے مصطَفٰے کا غم دلادے مرشِدی ہا تھ اٹھا کے کر دعا یاغوثِ اعظم دَسْتْگِیر

اب سِرہانے آؤ مُرشِد اور مجھے کلمہ پڑھاؤ دم لبوں پر آگیا یاغوثِ اعظم دَسْتْگِیر

ہے یِہی عطّارؔ کی حاجت مدینے میں مرے ہو عنایت سیِّدا، یاغوثِ اعظم دَسْتْگِیر