Aya Na Ho Ga Iss Tarah Husn o Shabab

Aaya na hoga is tarah husn-o-shabab ret par Gulshan-e-Fatima ke thay saare gulab ret par

Jaan-e-Batool ke siva koi nahi khila saka Qatra-e-aab ke baghair itnay gulab ret par

Tarsay Hussain aab ko main jo kahoon to be-adab Lams-e-lab-e-Hussain ko tarsa hai aab ret par

Get Lyrics On-The-Go! Download Our App Now!

Ishq mein kya lutaiye ishq mein kya bachaiye Aal-e-Nabi ne likh diya sara nisaab ret par

Lazzat-e-sozish-e-Bilal shauq-e-shahadat-e-Hussain Jis ne liya yunhi liya apna khitab ret par

Jitnay sawal ishq ne Aal-e-Rasool se kiye Ek se barh ke ek diya sab ne jawab ret par

Aal-e-Nabi ka kaam tha Aal-e-Nabi hi kar gaye Koi na likh saka Adeeb aisi kitab ret par