Aina Khanay Ussay Aks e Jali Kehte Hain

آئنہ خانے اُسے عکسِ جلی کہتے ہیں لہجہء عِشق میں ولیوں کا ولی کہتے ہیں

دُور تک پھیلی ہے تاریخ میں اُس کی خوشبُو اُس کی بینائی کے شعلے کو کلی کہتے ہیں

زہے تقدیر کہ اُس کا وہ مُعلِّم ٹھہرا جس کی پرچھائیں کو نُورِ ازلی کہتے ہیں

عِلم کے شہر کا دروازہ لقب ہے اُس کا اُس کی ہر سانّس کو حِکمت کی گلی کہتے ہیں

حرف حرف اُس کو پڑھا مَیں نے تو معلوم ہُوا لُغتِ دینِ مُحمّدؐ کو علی کہتے ہیں