Masjid Noor Jaan Mein

مسجد نور جاں میں پہنچا دے اے خدا لامکاں میں پہنچا دے

Your Lyrics, Even Offline - Install the App for Free!

عالم امر کا مسافر ہوں مجھ کو اس کارواں میں پہنچا دے

قریب تیرا یقین بن جائے اس مقام گماں میں پہنچا دے

اللہ اللہ ورد ہے میرا خاک کو کہکشاں میں پہنچا دے

ہر نفس پر تری طرف دوڑوں بے مکاں کو مکاں میں پہنچا دے

نو کے نو عرش پار کر جاؤں حلقہء عا شقاں میں پہنچا دے

کر دے اپنی محبتوں میں فنا حجرہ ء جاوداں میں پہنچا دے

کھینچ کر میرے گرد اپنی لکیر سدرہ بیکراں میں پہنچا دے

دیکھ لوں میں بھی کعبہء بالا ملکوتی اذاں میں پہنچا دے

میرے معبود اے مرے معبود عبدیت کی اماں میں پہنچا دے