Ishq e Maula Mein Ho

عِشق مولیٰ میں ہو خوں بار کنارِ دامن یاخدا جلد کہیں آئے بہارِ دامن

بہ چلی آنکھ بھی اشکوں کی طرح دامن پر کہ نہیں تارِ نظر جز دو سہ تارِ دامن

اشک برساؤں چلے کوچۂ جاناں سے نسیم یاخدا جلد کہِیں نکلے بخارِ دامن

دل شدوں کا یہ ہوا دامنِ اطہر پہ ہجوم بیدل آباد ہوا نام دیارِ دامن

مُشک سا زلف شہ و نور فشاں رُوئے حضور اللہ اللہ حلبِ جیب و تتارِ دامن

Your Lyrics, Even Offline - Install the App for Free!

تجھ سے اے گل میں سِتم دیدۂ دشتِ حرماں خلش دل کی کہوں یا غمِ خارِ دامن

عکس افگن ہے ہلالِ لبِ شہ جیب نہیں مہر عارض کی شعاعیں ہیں نہ تارِ دامن

اشک کہتے ہیں یہ شیدائی کی آنکھیں دھو کر اے ادب گردِ نظر ہو نہ غبارِ دامن

اے رضاؔ آہ وہ بلبل کہ نظر میں جس کی جلوۂ جیب گل آئے نہ بہَارِ دامن