Chhup Kar Bhi Hum Jo

چھپ کر بھی ہم جو کر رہے ہیں اللہ دیکھ رہا ہے گئے کدھر منہ کدھر رہے ہیں اللہ دیکھ رہا ہے

سامان آخرت کا بندوبست کیا ہے کتنا دنیا پر کتنا مر رہے ہیں اللہ دیکھ رہا ہے

کتنا ہم نے دھیان کے ہر خانے میں اس کو رکھا رکھا یا بے خبر رہے ہیں اللہ دیکھ رہا ہے

More Lyrics, Less Storage - Install the App and Ditch the Screenshots!

پیٹ غریبوں کے خالی ہیں ہم دونوں ہاتھوں سے اپنی تجوریاں بھر رہے ہیں اللہ دیکھ رہا ہے

کس کے خون کی چادر اوڑھی کس کی کھال اتاری ظالم یا چارہ گر رہے ہیں اللہ دیکھ رہا ہے

زخموں سے ہم کو ہے کتنی والہانہ دلچسپی لگا رہے ہیں کہ بھر رہے ہیں اللہ دیکھ رہا ہے

محمد مصطفؐےٰ کے نقش قدم پہ چلنے والے کن رستوں سے گزر رہے ہیں اللہ دیکھ رہا ہے

اللہ کا ہے خوف مظفر کتنا ہم بندوں کو بندوں سے کتنا ڈر رہے ہیں اللہ دیکھ رہا ہے