Aya Hai Mere Dil Mein

Aaya hai mere dil mein jo armaan hamd ka Poora tere karam se ho deewaan hamd ka

Tere karam se sher ke pairaye mein dhale Aawaaz de raha hai jo imkaan hamd ka

Khushboo hai dhadkanon mein tere ism-e-paak ki Dil mein khila hua hai gulistaan hamd ka

Taseer ke charagh jalaye kalaam mein Qaari koi mile jo khush-alhaan hamd ka

Tasbeeh ke main jumla maraatib samajh sakoon Allah! Kar ata mujhe irfaan hamd ka

Masroof har ghadi rahe auraad-e-shukr mein Gar martaba samajh sake insaan hamd ka

No More Screenshots! Save Storage with Our Lyrics App!

Alhamd ibtida hai to wannaas ikhtitaam Kya sarmadi saheefa hai Quran hamd ka

Alfaaz ke qareenay se chup ke saleeqay se Karta hai wird dil bahar-e-unwaan hamd ka

Tehreer har ghadi kare uski sana-e-khaas Jo izn de Riaz ko Rehman hamd ka