Teri Baat Baat Hai Mojza

تری بات بات ہے معجزہ ترا لمحہ لمحہ مثال ہے میں فقیرِ مرگ و حیات ہوں تری اک نظر کا سوال ہے



تری زندگی بھی عجیب ہے تو امیر ہے کہ غریب ہے ترا پائے ناز ہے عرش پر ترے بازوؤں میں کدال ہے



ترا سکّہ بن کے چلا کروں تری خیر پر میں پلا کروں ترا عشق ہے مرا مال و زر ٗ مرا رزق تیرا خیال ہے




Get it on Google Play



ترا علم علم کی انتہا تری عقل عقل سے ماورا تو ہے صدر محفلِ انبیاء ترا دین دین کمال ہے



تو بلندیوں سے بلند تر تو بشر ہے ہم سا نہیں مگر تری رہگزر بھی ہے آسماں ترا نقش پا بھی ہلال ہے



تجھے دیکھ دیکھ کے میں جیوں تجھے تھام تھام کے میں چلوں تو ہے آئنہ میں ہوں حیرتیں ٗ میں نگاہ ہوں تو جمال ہے



مجھے روزِ حشر کا غم نہیں تری اک نگاہ بھی کم نہیں تو ہی سر پرست شروع ہے تو ہی اعتبار مآل ہے

Get it on Google Play

midhah-logo-grey© 2025 Midhah