Sukhan Ki Daad Khuda Se

سخن کی داد خُدا سے وصُول کرتی ہے زبان آج ثنائے رسُولؐ کرتی ہے

کہی ہے نعتِ نبیؐ رُوح کی نمو کے لِیے لہُو میں ڈُوب گیا ہے قلم وضو کےلِیے

ہر ایک سانّس محمّؐد کے نام پرنِکلا خیال، ذہن سے احرام باند ھ کرنِکلا

حضور یُوں مِری آنکھوں کے سامنے آئے کوئی چراغ کی لَو جیسے تھامنے آئے

جبیں لِیے، جو قدم کے نشان تک پہنّچا قدِ حقیر مرا آسمان تک پہنچا

نبی کا گوشہء دامن جو ہاتھ میں آیا سمٹ کے سار ا جہاں میری ذات میں آیا

وہ عکسِ قرب مِری رُوح میں اُترنے لگے کہ میری خاک پہ آئینے رشک کرنے لگے

نظر نے آپ کے جلووں کا جب طواف کیا خُدا نے مُجھ سے گنہگار کو معاف کیا