Sooraj Hai Tere Noor Ka Par Tu Mere Aaqa

Suraj hai tere noor ka par-tau mere Aqa ﷺ Khairat tere husn ki chehra hai qamar ka

Ik aap ka chehra hai to ik aap ki zulfen Itna sa hai mafhoom faqat shaam-o-sahar ka

Mujh aise gunahgar ki us dar pe hazoori Ehsaan hai la raib Shah-e-jin-o-bashar ka

Har waqt tasawwur mein hain jalwe tere dar ke Mujh ko to nahin hosh zara shaam-o-sahar ka

Aayengi kabhi aap ke koche se hawayein Darwaza khula rakhta hoon yeh soch ke ghar ka

Bache bhi hain shaidai teri naat ke Aqa ﷺ Har zarra tere zikr se be-khud mere ghar ka

Never Be Without Your Favorite Lyrics - Get the App for Offline Access!

Mauqoof nahin mujh hi par ae Rehmat-e-Alam ﷺ! Kashkol muradon se bhara aap ne har ka

Parhta hai durood aur salaam aap pe Abid Samaan utha rakha hai, aqba ke safar ka