Aa Gaye Mustafa Marhaba Marhaba

Aa gaye Mustafa, Marhaba Marhaba Jhoomti hai fiza, Marhaba Marhaba

Jab wiladat hui mere Sarkar ki Qudsiyon ne kaha: Marhaba Marhaba

Aamad-e-Shah-e-Wala ki sun kar khabar Mominon ne kaha: Marhaba Marhaba

Jal ke marte rahe munkireen-e-Nabi Mominon ki sada: Marhaba Marhaba

Qaryat-e-jaan mein fasl-e-bahaar aa gayi Ghuncha-e-dil khila, Marhaba Marhaba

Naghma-ha-e-tarab gungunaye gaye Saaz-e-aalam chura, Marhaba Marhaba

Ta'iran-e-chaman gungunane lage Zikr-e-Sall-e-Ala, Marhaba Marhaba

Zulmat-e-shab chhati, din huwayda hua Noor-e-Haq aashna, Marhaba Marhaba

Ba'is-e-qurb-e-Haq hai mohabbat teri Aye mere rehnuma, Marhaba Marhaba

Tujh ko maana toh Haq aashkar hua Aye mere rehnuma, Marhaba Marhaba

Your Lyrics, Even Offline - Install the App for Free!

Hum se aasi chalenge jo sooye haram Kya suroor aayega, Marhaba Marhaba

Koi batlaye jis par ke barsa nahi Abr-e-jood-o-sakha, Marhaba Marhaba

Mujh se aasi ke lab par bhi jaari hui Midhat-e-Mustafa, Marhaba Marhaba

Bazm-e-ushaq mein naat parhta rahe Abid khush-nawa, Marhaba Marhaba