We've added ads to help keep the platform running and improving for you. Learn More
آگۓ مصطفیٰ مرحبا مرحبا جھومتی ہے فضا مرحبامرحبا
جب ولادت ہوئی میرے سرکار کی قدسیوں نے کہا: مرحبا مرحبا
آمدِ شاہِ والا کی سن کر خبر مومنوں نےکہا: مرحبا مرحبا
جل کےمرتےرہیں منکرین نبی مومنوں کی صدا: مرحبا مرحبا
قریۃ جاں میں فصلِ بہار آگئ غنچۃ دل کِھلا مرحبا مرحبا
نغمہ ہاے طرب گنگناۓ گۓ سازِ عالم چھڑا مرحبا مرحبا
طائرانِ چمن گنگنانے لگے ذکرِ صل علیٰ مرحبا مرحبا
ظلمت شب چھٹی دن ہویدا ہوا نورِ حق آشنا مرحبا مرحبا
باعثِ قربِ حق ہے محبت تری اے مرے رہنما، مرحبا مرحبا
تجھ کو مانا تو حق آشکار ہوا اے مرے رہنما، مرحبا مرحبا
ہم سے عاصی چلیں گے جو سوۓ حرم کیا سرور آۓ گا مرحبا مرحبا
کوئی بتلاۓ جس پر کہ برسا نہیں اَبرِ جود و سخا مرحبا مرحبا
مجھ سے عاصی کے لب پر بھی جاری ہوئی مدحتِ مصطفیٰ مرحبا مرحبا
بزمِ عشاق میں نعت پڑھتا رہے عابدؔ خوشنوا مرحبا مرحبا
