Shan e Khuda Bhi Aap Mehboob e Khuda Bhi Aap Hain

Shan-e-Khuda bhi aap, mehboob-e-Khuda bhi aap hain Tajseem-e-Haq bhi aap hain aur Haq-numa bhi aap hain

Roz-e-abad tak aap hain salar-e-jaish-e-ambiya Roz-e-azal se murshid-e-ahl-e-safa bhi aap hain

Qudrat ki har takhleeq ka, hain aap wahid mudda Husn-e-zameen bhi aap hain, noor-e-sama bhi aap hain

Apne rafeeqon ke liye phir bhi dhooye aap ne Aur dushmanon ke haq mein masroof-e-dua bhi aap hain

Islam ke halqay mein jo auham ka bimaar ho Us ki dawa bhi aap hain, us ki shifa bhi aap hain

Har daira-e-aawaz ka, lafz-e-Muhammad ban gaya Mere liye to qibla-e-saut-o-sada bhi aap hain

Main falsafon ki dhoop mein jalta raha hoon umr bhar In ilm ke sahraon mein mauj-e-saba bhi aap hain

Zulmaat-e-in-o-aan mein hoon main kab se sargarm-e-safar Aur is safar mein meri manzil ka pata bhi aap hain

No More Screenshots! Save Storage with Our Lyrics App!

Is mehfil-e-ushaaq ka har fard sarwat-mand hai Har shakhs ke apne hain aur phir be-baha bhi aap hain

Mera Nadeem-e-imaan hai ye imaan ki ik meezan hai ye Be-inteha bhi aap, lekin inteha bhi aap hain