We've added ads to help keep the platform running and improving for you. Learn More
پُھل ہنجواں دے پلکاں اُتے آپ سجاواں گے جہیڑے ویلے اسیں مدینے رل کے جاواں گے
ہور وظیفہ کیہہ کرنا اے چج نہ کوئی اوندا اے روضے پاک نوں ویکھاں گے بس ویکھی جاواں گے
قسمت نال جے کوئی مسافر ملے مدینے دا اسیں تے اکھیاں اوہدیاں قدماں ہیٹھ و چھاواں گے
جو جو کیتی نال اساں دےایس وچھوڑے نے قدماں دے وچ بہہ کے سارا حال سناواں گے
ساری کائنات خدا دی صدقہ کملی دا ساری حیاتی اوہدے ناں دا صدقہ کھاواں گے
کوئی رُسیا یار مناوے کوئی مناوے دنیا نوں اَسی ظہوری آقا دا میلاد مناواں گے
