Nazar Se Jab Naha'n Hota Hai Roza Ya Rasool Allah

Nazar se jab nahan hota hai Rauza Ya RasoolAllah To gham se munh ko aata hai kaleja Ya RasoolAllah

Teri nisbat pe nazan hoon isi nisbat pe maut aaye Yehi to zindagi ka hai asasa Ya RasoolAllah

Woh Khaliq, aap yakta hai tujhe yakta banaya hai Yehi fikr-o-nazar ka hai khulasa Ya RasoolAllah

Download Lyrics & Access Offline - Install Our App Now!

Sawali ban ke aaya hoon khara hoon aap ke dar par Tawangara hon agar bhar dein yeh kaysa Ya RasoolAllah

Jise takne ki khwahish mein tarapte umr beeti hai Khusha! nazron ke aage hai muwaja Ya RasoolAllah

Wohi Malik jo mu'ti hai tujhe Qasim banaya hai Tere dast-e-karam ka hai yeh sadqa Ya RasoolAllah

Dam-e-aakhir jo putli mein Huzoor! Aasi ka dam hoga To us lamhe dikha dena woh chehra Ya RasoolAllah

Qayamat mein to hogi bas faqat teri shafa'at hi Gunahgaron ki bakhshish ka wasila Ya RasoolAllah

Jaleel un hi ke ghar har lamha khushbu se mehakte hain Ke Sallallahu jin ka ho wazifa Ya RasoolAllah