Amad Mustafa Ki Khushi Naat Hai

'' Aamad-e-Mustafa ﷺ ki khushi naat hai '' Marhaba marhaba! woh ghari naat hai

Khud Khuda ne uthai hai jis ki qasam Mere sarkar ki zindagi naat hai

Ik chatai bichona hai sarkar ﷺ ka Shah-e-konain ﷺ ki saadgi naat hai

Is se aql-o-khirad ko milein wus'atein Roshni naat hai, aagahi naat hai

Hirz-e-jaan gar hui sunnat-e-Mustafa ﷺ Ishq-e-sarkar ﷺ hai, bas yehi naat hai

Find Your Favorite Lyrics Anytime, Anywhere - Install the App Today!

Bas yehi to sikhaya hai aslaaf ne Momino! hasil-e-zindagi naat hai

Jaan-o-dil ke dariche sabhi khul gaye Kyunke zehnon ki aasoodgi naat hai

Kizb-o-gheebat ka un pe ho kaise guzar Jin labon pe Huzoor! aap ki naat hai

Jab durood un pe hai, sunnat-e-izadi Mominon ka wazifa yehi naat hai

Mit gaye namiyon ke nishan to magar Har jagah, har ghari goonjti naat hai

Izzaton ke khara hai woh minar par Aap ki jis ne Aaqa ﷺ! likhi naat hai