Nazar Se Jab Naha'n Hota Hai Roza Ya Rasool Allah

نظر سے جب نہاں ہوتا ہے روضہ یا رسول اللہ تو غم سے منہ کو آتا ہے کلیجہ یا رسول اللہ

تری نسبت پہ نازاں ہوں اسی نسبت پہ موت آۓ یہی تو زندگی کا ہے اثاثہ یا رسول اللہ

وہ خالق، آپ یکتا ہے تجھے یکتا بنایا ہے یہی فکرونظرکا ہے خلاصہ یا رسول اللہ

سوالی بن کے آیا ہوں کھڑا ہوں آپ کے در پر تونگرہوں اگربھر دیں یہ کاسہ یا رسول اللہ

جسے تکنےکی خواہش میں تڑپتےعمر بیتی ہے خوشا! نظروں کے آگے ہے مواجہ یا رسول اللہ

وہی مالک جو معطی ہے تجھے قاسم بنایا ہے ترے دستِ کرم کا ہے یہ صدقہ یا رسول اللہ

دمِ آخر جو پتلی میں حضور! عاصی کا دم ہوگا تو اس لمحے دکھا دینا وہ چہرہ یا رسول اللہ

Your Lyrics, Even Offline - Install the App for Free!

قیامت میں تو ہوگی بس فقط تیری شفاعت ہی گنہگاروں کی بخشش کا وسیلہ یا رسول اللہ

جلیل اُن ہی کے گھرہرلمحہ خوشبو سے مہکتے ہیں کہ صلی اللہ جن کا ہو وظیفہ یا رسول اللہ