Mubarak Ho Woh Shah Parde Se

مبارک ہو وہ شہہ پردے سے باہرہونیوالا ہے گدائی کو زمانہ جس کے در پر آنے والا ہے

فقیروں سے کہوحاضرہوں جو مانگیں گے پائیں گے کہ سلطانِ جہاں محتاج پرور آنے والا ہے

کہاں ہیں ٹوٹی امیدیں کہاں ہیں بے سہارے دل کہ وہ فریاد رس بے کس کا یاور آنے والا ہے

ٹھکانہ بے ٹھکانوں کا سہارا بے سہاروں کا غریبوں کی مدد بیکس کا یاور آنے والا ہے

Never Be Without Your Favorite Lyrics - Get the App for Offline Access!

گنہگارو نہ ہو مایوس تم اپنی رہائی سے مدد کو وہ شفیع روزِ محشر آنے والا ہے

سلاطینِ زمانہ جس کےدرپربھیک مانگیں گے فقیروں کو مبارک وہ تونگر آنے والا ہے

بر آئیں گی مرادیں حسرتیں ہو جائیں گی پوری کہ وہ مختارِ کل عالم کا سرور آنے والا ہے

حسنؔ کہدیں اٹھیں سب امتی تعظیم کی خاطر کہ اپنا پیشوا اپنا پیمبر آنے والا ہے