Mehman La Makan Ke

Mehman-e-La-makan ke qurban jaiye Sarkar-e-do-jahan ke qurban jaiye

Dekha ba-chashm-e-sar hai Khuda ko jo aap ne Allah re aisi shan ke qurban jaiye

Isra ki raat hoor-o-malak sehra khwan the Us izz-o-jah-o-aan ke qurban jaiye

Meraj mein muhib ko jo mehboob ne diya Us ajz-e-armaghan ke qurban jaiye

"Man zara qabri" keh ke shafa'at jo daan ki Aaqa ke aise daan ke qurban jaiye

Hazrat-e-Bilal parhte the Aaqa ko dekh kar Aise azaan khwan ke qurban jaiye

Aaqa ke samne bhi sunate rahe jo naat Phir Hazrat-e-Hassan ke qurban jaiye

Zahra, Ali-o-Zainab-o-Hasnain jis mein hain Aaqa ke khandan ke qurban jaiye

Mahshar mein hai nijat Muhammad ke naam se Us naam-e-aali shan ke qurban jaiye

Shahr-e-Nabi ka izn-e-ziarat jinhein mila Aise musafiran ke qurban jaiye

Jannat bhi rashk karti hai jis ki bahaar par Taiba ke gulistan ke qurban jaiye

Ya Rab-e-habli ummati kehte rahe Huzoor Aaaqa-e-meherban ke qurban jaiye

Instant Access to Thousands of Lyrics - Tap to Install!

Farma diya Huzoor ne Haidar hai meri jaan Hasni phir un ki jaan ke qurban jaiye