Kuch Aesa Karde Mere Kardgar

کچھ ایسا کر دے میرے کردگار آنکھوں میں کہ جلوہ گر رہے وہ گل عزار آنکھوں میں

وہ لالہ رکھ ہو اگر جلوہ بار آنکھوں میں بہار لالہ ہو پھر پائیدار آنکھوں میں

نظر یہ کہتی ہے بے اختیار آنکھوں میں انہیں جو دیکھے وہی ہے ہزار آنکھوں میں

انہیں نہ دیکھا تو کس کام کی ہیں یہ آنکھیں کہ دیکھنے کی ہے ساری بہار آنکھوں میں

ابھی ہو روکش عرش بریں نظر میں جو آئے عرش نشیں تاجدار آنکھوں میں

نظر ہے رشک نظر افتخار آنکھوں میں جسے کرے وہ نظر اختیار آنکھوں میں

بنائے دل کو وہ گھر رہگزار آنکھوں میں نظر ہو قدموں میں ان کے نثار آنکھوں میں

بسے ہیں جب سے مدینے کے خار آنکھوں میں ہوا ہے صحن چمن خار زار آنکھوں میں

گزر ہو ان کا کبھی بے قرار آنکھوں میں گہر ہوں نقش قدم اشکبار آنکھوں میں

کچھ آئے جان پئے انتظار آنکھوں میں کرم سے لیجئے اب تو قرار آنکھوں میں

کرم سے جلوہ کرے جب نگار آنکھوں میں کچھ آئے ساری چمن کی بہار آنکھوں میں

پھر آئیں دن میرے اختر شب حضوری میں کرم سے جلوہ کرے جب نگار آنکھوں میں

نگاہ مفتی اعظم کی ہے یہ جلوہ گری چمک رہا ہے جو اختر ہزار آنکھوں میں