Kiya Lutf Hai Sukhan Ka

کیا لطف ہے سخن کا اگر چشم تر نہ ہو ملتا نہیں ہے درد جو ان کی نظر نہ ہو

ہو اس طرح سے اپنی مدینے میں حاضری آۓ در حبیب تو اپنی خبر نہ ہو

جھکتا ہے میرادل بھی مرےسرکے ساتھ ساتھ ممکن نہیں کہ آپ کی یہ رہگزر نہ ہو

آسودگی نصیب نہ ہو جانِ زار کو سرکار کی نگاہِ عنایت اگرنہ ہو

Instant Access to Thousands of Lyrics - Tap to Install!

جس شب رخ حبیب کا جلوہ نصیب ہو پھر اس کی حشر تک بھی الہٰی سحر نہ ہو

بے کیف زندگی ہے ظہوری تمام اگر مجھ کو نصیب آپ کے درکاسفرنہ ہو