Khuda Ka Woh Akhri Payambar

خدا کا وہ آخری پیمبر کھڑا ہے فاراں کی چوٹیوں پر

جو دین اسلام لے کے آیا خدا کا پیغام لے کے آیا

نگاہ سب کی ہے جس کی جانب جو اھل مکہ سے ہے مخاطب تمھاری نظروں کے سامنے ہے تمام لوگوں کے سامنے ہے

مِرا ہر اِک لمحہ زندگی کا کبھی دُکھایا ہے دل کسی کا؟

کہو کبھی میں نے جھوٹ بولا کبھی خیانت کا زھر گھولا

تو سب پکارے نہیں محمد ﷺ کہ تم ہو صادق امیں محمد ﷺ

کہا یہ پھر شاہِ دوسرا نے نبی بنایا مجھے خدانے

اُسی کی دیتا ہوں میں شہادت یہ جان لو لائق عبادت

کوئی خدا کے سوا نہیں ہے یہ بُت یہ پتھر خدا نہیں ہے سنا جو اعلانِ مصطفائی سماعت کفر تلملائی

ابھی جو تائید کر رہے تھے حضور کا دم جو بھر رہے تھے

بھڑک اُٹھے حق کی بات سن کر پہاڑ سے سب نے سنگ چُن کر

محمد مصطفیٰ کو مارے ستم نے پتھر وفا کو مارے

لہو میں اپنے نہاتے آقا رہی دعا گو صدائے آقا

وہی صدا دُور دُور پہنچی براہِ تحت الشعور پہنچی

اُسی صدا سے وُہ نور پھوٹا نصیب جہل و غرور پھوٹا

اسی صدا سے ضمیر چمکے جلے اسی سے دیے حرم کے

وہی صدا علم کا مدینہ رہِ عمل اِرتقا کا زینہ

تمام قرآں وہی صدا ہے عروجِ انساں وہی صدا ہے

Stop Wasting Storage - Download Lyrics in Lightweight Text Format!

زمانہ رہ جائے تم سے پیچھے چلے چلو اُس صدا کے پیچھے