Khaye Tauheed Lala Ki Qasam

کھائے تو حید لا الہ کی قسم لا الہ کھائے مصطفے ؐ کی قسم

مصطفےؐ کو بھی یا کریم کہوں خوش ہے مجھ سے خدا، خدا کی قسم

حرف کن پیش لفظ ہے ان کا حسن کی تخلیق کبریا کی قسم

Why Screenshot When You Can Download? Get the App for Efficient Storage!

ساری سائنس ہے مرید ان کی عرش پر ثبت نقش پا کی قسم

ان کی گلیوں کی دھوپ بھی ٹھنڈی گھر کے آئی ہوئی گھٹا کی قسم

ان کی بے پایاں رحمتیں مجھ پر انکی خوشنودی و رضا کی قسم

زندگی ان کا تخلیہ دے دے ثور کا واسطہ حرا کی قسم

اس جہاں کا وجود ان کا وجود روشنی کی قسم ہوا کی قسم

میں پرستار ہوں محمدؐ کا میں مروں گا نہیں بقا کی قسم

نعت پڑھتا لحد سے اٹھوں گا آخرت کی قسم جزا کی قسم

میرا ہر سانس ہیں مظفر وہ ہر تمنا کی ہر دعا کی قسم