Kash Sarkar e Do Alam Ka Zamana Milta

Saari sadiyon pe jo bhaari hai woh lamha milta Kaash Sarkar-e-Do'alam ka zamana milta

Aap ko dekhta Makkah se main hijrat karte Aap ka naqsh-e-qadam aap ka rasta milta

Aap ko dekhta Ta'if mein duayein dete Yun mere sabr-o-tahamul ko saleeqa milta

Why Screenshot When You Can Download? Get the App for Efficient Storage!

Aap ke saamne rakh deta main sab kuch la kar Nusrat-e-deen ke liye jab bhi ishara milta

Apna ghar-baar luta deta toh us ke badle Hubb-e-Sarkar-e-Madinah ka khazana milta

Aap ki tarah bithana main usay kandhon par Raah mein aap ka jab bhi koi nawasa milta

Aap ke peeche kharay ho ke namazein parhta Aap ke qadmon ke peeche mujhe sajda milta

Bhool jaata main kisi taaq mein aankhein rakh kar Aap ko dekhte rehne ka bahana milta

Zindagi aap ke qadmon mein basar ho jaati Jaan fida karne ki khatir mujhe ghazwa milta

Hashr tak meri ghulami yunhi qaim rehti Meri har nasl ko Fakhri yehi virsa milta