Kash Sarkar e Do Alam Ka Zamana Milta

ساری صدیوں پہ جو بھاری ہے وہ لمحہ ملتا کاش سرکارِ دوعالم کا زمانہ ملتا

Instant Access to Thousands of Lyrics - Tap to Install!

آپ کو دیکھتا مکہ سے میں ہجرت کرتے آپ کا نقشِ قدم آپ کا رستہ ملتا

آپ کو دیکھتا طائف میں دعائیں دیتے یوں مرے صبرو تحمل کو سلیقہ ملتا

آپ کے سامنے رکھ دیتا میں سب کچھ لا کر نصرتِ دیں کے لۓ جب بھی اشارہ ملتا

اپنا گھربار لٹا دیتا تو اُس کے بدلے حبِّ سرکارِ مدینہ کا خزانہ ملتا

آپ کی طرح بٹھانا میں اسے کندھوں پر راہ میں آپ کا جب بھی کوئی نواسہ ملتا

آپ کے پیچھے کھڑے ہوکے نمازیں پڑھتا آپ کے قدموں کے پیچھے مجھے سجدہ ملتا

بھول جاتا میں کسی طاق میں آنکھیں رکھ کر آپ کو دیکھتے رہنے کا بہانہ ملتا

زندگی آپ کے قدموں میں بسر ہو جاتی جاں فدا کرنے کی خاطر مجھے غزوہ ملتا

حشر تک میری غلامی یونہی قائم رہتی میری ہر نسل کو فخری یہی ورثہ ملتا