Tulu Shmas o Qamar Se

Tuloo-e-shams-o-qamar se pehle main tujh pe Aaqa durood bhejoon Har ek shaam-o-sahar se pehle main tujh pe Aaqa durood bhejoon

Safar ka aaghaz jab karoon main, mere labon par ho naam tera Palat ke aaun to ghar se pehle main tujh pe Aaqa durood bhejoon

Khuda ki bheji kitab tu hai mera to sara nisaab tu hai Husool-e-ilm-o-hunar se pehle main tujh pe Aaqa durood bhejoon

Hai raunaq-e-kainaat tujh se hara hai nakhl-e-hayaat tujh se Shajar pe barg-o-samar se pehle main tujh pe Aaqa durood bhejoon

Your Lyrics, Even Offline - Install the App for Free!

Main apne bachon mein baith kar bhi sunaoon Badr-o-Uhad ki baatein Kashakash-e-khair-o-shar se pehle main tujh pe Aaqa durood bhejoon

Bas ek hub-e-Rasool Fakhri main apne virse mein chhor jaaun Is ikhtitaam-e-safar se pehle main tujh pe Aaqa durood bhejoon