Yeh Duniya Ik Samandar Hai

Yeh duniya ik samundar hai magar sahil Madinah hai Har-ik mauj-e-bala ki raah mein hail Madinah hai

Zamana dhoop hai aur chhaon hai bas ek basti mein Yeh dhoop jal ke bujh jaati magar shamil Madinah hai

Madine ke musafir tujh pe mere jaan-o-dil qurban Teri aankhein batati hain teri manzil Madinah hai

Stop Wasting Storage - Download Lyrics in Lightweight Text Format!

Sharaf mujh ko bhi hasil hai Muhammad ﷺ ki ghulami ka Woh mere dil mein rehte hain mera dil Madinah hai

Jahan ushshaq baste hain woh basti un ki basti hai Jahan bhi zikr un ka ho wahi mehfil Madinah hai

Karam itna hai Fakhri un ki zaat-e-paak ka mujh par Main itni door hoon lekin mujhe hasil Madinah hai