Kash Main Dor e Muhammad Main Uthaya Jata

Kash main daur-e-Muhammad ﷺ mein uthaya jata Mudda'i laakh bura chahta magar main na mitaya jata

Hota main ashk-e-gham-gusar, aur gham-e-ummat mein Chashm-e-Sarkar ﷺ se Hira mein bahaya jata

Hota main paposh-e-dareeda Mustafa ﷺ ka koi Dast-e-Sarkar ﷺ se phir mujh ko silaya jata

Kash main daur-e-Muhammad ﷺ mein uthaya jata

Hota patthar main nikala gaya khandaq se koi Shiddat-e-bhook se shikam-e-Muhammad ﷺ pe sajaya jata

Hota main ustuwan-e-Hannanah aur masjid-e-Nabwi mein Gham-e-hijr mein rota aur daman-e-Sarkar ﷺ se lagaya jata

Hota main chadar us khush naseeb kapray ki Jo ehtram-e-Halima mein dast-e-Sarkar ﷺ se bichaya jata

Kash main daur-e-Muhammad ﷺ mein uthaya jata

Hota kankar mein koi Madinah ki gali koochon ka Mo'jaza-e-Sarkar ﷺ se kalma mujh ko parhaya jata

Hota main shajar-e-tanawar Madinah mein koi Angusht-e-Sarkar ﷺ se mujh ko bulaya jata

Hota main shamshir-e-Muhammad ﷺ aur bapa hota yaum-e-Badr Dast-e-Sarkar ﷺ se a'da par mujh ko chalaya jata

Kash main daur-e-Muhammad ﷺ mein uthaya jata

Hota main eent koi Rauza-e-Aqdas ki Duniya ho jati fana, main jannat mein uthaya jata

Hota main koi awara badal shahar-e-Madinah mein Ayyam-e-qaht mein hukm-e-Sarkar ﷺ se barsaya jata

Hota mitti mein khush naseeb lahad-e-anwar ki Madine mein Phir wastay-e-aram ke Mehboob-e-Khuda ﷺ ko mujh par sulaya jata

Kash main daur-e-Muhammad ﷺ mein uthaya jata

Find Your Favorite Lyrics Anytime, Anywhere - Install the App Today!

Hota main ehd-e-Muhammad ﷺ aur kiya jata kisi kafir se Ba-Khuda din raat khara ho ke chauk-e-Madinah mein nibhaya jata

Hota makri mein ghar-e-Thaur mein shab-e-hijrat Wastay-e-Sarkar ﷺ ke mujh se jala bhi bunwaya jata

Kash main daur-e-Muhammad ﷺ mein uthaya jata

Hota tukra main kisi sookhi roti ka aur Sha'b-e-Abi Talib mein Nazuk dandan-e-Sarkar ﷺ se mujh ko chabaya jata

Hota laiq-e-atuflat-e-Sarkar ﷺ kabhi na be-zar mein! Gar kafalat-e-kam zar ka wada Sarkar ﷺ ne na nibhaya jata

Hota main na'lain-e-Muhammad ﷺ aur Meraj ki shab Shafqatؔ Jibreel Sidra-nasheen rehte aur main Arsh pe le jaya jata