Aye Matloob e Yazdaan Tu Hai Waja Tehleeq e Kainat

Ae matloob-e-Yazdan tu hai wajah-e-takhleeq-e-kainat Quran ne kaha: teri har baat hai meri baat

Rabb ne dotook farmaya: ae mehboob mere Tujhe khalaq na karta to na hote din aur na hoti raat

Noor ki ek chhalni the saare ambiya tere liye Noor-e-mujassam tera pusht dar pusht paata raha kamalaat

Woh hai Rabb-ul-Alameen aur tu hai Rahmat-ul-lil-Alameen Aadam ki sonp di duniya saari tere qadmon ki khairaat

Jannat ki mitti ko Salsabeel-o-Tasneem aur Aab-e-Kauthar se goondha gaya Bana tera khameer Aqa ﷺ aur mili tujhe daa'iman hayaat

Teri zulf-e-ambareen ke tufail zulf ko shohrat mili warna Na zulf mein thi koi baat na qabil-e-zikr thi koi raat

Teri azmat-o-tauqeer Khaliq ne dikhani thi warna Na shaq-e-qamar hota yahan na koi ronuma hote mo'jizaat

Never Be Without Your Favorite Lyrics - Get the App for Offline Access!

Shams-o-qamar na zameen aasman bante na kainat sajti Aqa tere hi liye do aalam bane hain yeh hayaat-o-mamaat

Khaliq ne kaha: main khazana-e-makhfi tha, chaha aashkar ho gaya Sochiye sahib-e-irade mein uske the na makhfi koi baat

Takhleeq hui sab se pehle rooh-e-Muhammad ﷺ to pata chala Shafqat De-e-Yazdan mein pinhan thi kab se kaun si zaat