Jhuke Na Baar e Sadd Ehsan

جھکے نہ بارِ صد احساں سے کیوں بنائے فلک تمہارے ذرے کے پر تو ستارہائے فلک

یہ خاکِ کوچۂ جاناں ہے جس کے بوسہ کو نہ جانے کب سے ترستے ہیں دیدہائے فلک

عفو و عظمت خاکِ مدینہ کیا کہئے اسی تراب کے صدقے ہے اعتدائے فلک

یہ ان کے جلوے کی تھیں گرمیاں شب اسری نہ لائے تابِ نظر بہکے دیدہائے فلک

قدم سے ان کے سر عرش بجلیاں چمکیں کبھی تھے بند کبھی وا تھے دیدہائے فلک

میں غم نصیب بھی تری گلی کا کتا ہوں نگاہِ لطف ادھر ہو نہ یوں ستائے فلک

یہ کس کے در سے پھرا ہے تو نجدیٔ بے دیں برا ہو تیرا ترے سر پہ گر ہی جائے فلک

جو نام لے شہِ عرشِ بریں کا تو اخترؔ بصد ادب پئے تسلیم سرجھکائے فلک