Iss Qadar Teri Khairaat

اس قدر تیری حرارت مرے ایمان میں آئے موت بستر پہ نہ آئے مجھے میدان میں آئے

ساری دنیا کے یزیدوں کو مٹا سکتا ہے تیرا ایثار اگر آج کے انسان میں آئے

کوئی کردار حسین ابن علی سالے کر کوئی بھی قوم کسی عہد کے ایوان میں آئے

جب نویں شب کے چراغوں کو بجھا کر دیکھوں تیرے اندر کا اجالا مرے وجدان میں آئے

جس طرح ریت پہ بکھرے تھے محمدؐ زادے اس طرح تو کوئی آندھی بھی نہ کھلیان میں آئے

Free Up Space - Get Lyrics Without Bulky Screenshots!

کربلا اس کے گھرانے کی یہ سب لاشیں ہیں تذکرہ جس کا ہر اک آیہء قرآن میں آئے

جب کسی شمر کا خنجر مجھے للکارتا ہے ضرب شبیر کی آواز مرے کان میں آئے

اس کے جمہور کے لہجے میں دعا مانگتا ہوں ملک میرا نہ الہٰی کسی بحران میں آئے

ہر طرف آج مظفر نہ بہے خون اس کا اپنے اسلاف کا جذبہ جو مسلمان میں آئے