Ik Yahi Sahara Hai

Ek yahi sahara hai is jahan mein jeene ka Baat kar Madine ki zikr kar Madine ka

Woh tujhe bachayenge paar bhi lagayenge Un pe chhod de kashti gham na kar safine ka

Kyun bhatakta phirta hai puch apne murshid se Woh batayenge tujh ko raasta Madine ka

Chhodkar qadam un ke ud na tu hawaon mein Raasta yahin se hai qurb-e-Haq ke zeene ka

Never Be Without Your Favorite Lyrics - Get the App for Offline Access!

Sehan-e-gulistan mein bhi gulon ki jaan mein bhi Har taraf numayan hai mojiza paseene ka

Aap ke qadam jab se aaye hain Madine mein Zarra zarra roshan hai aaj bhi Madine ka

Ae Aleem chal tu bhi raah le Madine ki Bas wahin se milta hai raaz har khazeene ka