Chhor Fikar Duniya Ki

Chhor fikr duniya ki chal Madine chalte hain Mustafa ghulamon ki qismatein badalte hain

Instant Access to Thousands of Lyrics - Tap to Install!

Rehmaton ki chadar ke sar pe saaye chalte hain Mustafa ke deewane ghar se jab nikalte hain

Sirf saari duniya mein woh hai kucha-e-Ahmad Jis jagah pe hum jaise khote sikke chalte hain

Naqsh kar le seene par naam Sarwar-e-Deen ka Yeh woh naam jis se sab azaab talte hain

Zikr-e-Shah-e-Batha ko wird ab bana lijiye Yeh woh Zikr hai jis se gham khushi mein dhalte hain

Us ko kya zaroorat hai atar-e-mushk-o-anbar ki Khaak jo Madine ki apne tan pe malte hain

Sach hai ghair ka ehsaan hum kabhi nahi lete Ae Aleemؔ Aaqa ke hum tukron pe palte hain