Hum Sue Hashar Chalein

Hum su-e-hashr chalenge Shah-e-Abrar ke saath Qafila hoga rawan qafila salar ke saath

Yeh toh Taiba ki mohabbat ka asar hai warna! Kaun rota hai lipat kar dar-o-deewar ke saath

Ae Khuda di hai agar naat-e-Nabi ki taufeeq Husn-e-kirdar bhi de lazzat-e-guftar ke saath

Jab khule hashr mein gisu-e-shafa'at un ke Hum se aasi bhi nazar aayenge abrar ke saath

Stop Wasting Storage - Download Lyrics in Lightweight Text Format!

Gar Madine ka tasawwur ho toh zulmat kaisi Rabt mazboot rahe aalam-e-anwar ke saath

Pul se mujh sa bhi gunahgar guzar jayega Hogi Sarkar ki rehmat jo gunahgar ke saath

Hum bhi Mazhar se sunenge koi naat-e-rangeen Gar mulaqat hui shair-e-darbar ke saath