Har Lehza Hai Momin

Har lahza hai Momin ki nayi shaan nayi aan Guftar mein kirdar mein Allah ki burhan

Qahhari-o-Ghaffari-o-Quddusi-o-Jabaroot Yeh chaar anasir hon to banta hai Musalman

Hamsaya-e-Jibreel-e-Ameen banda-e-khaki Hai is ka nasheman na Bukhara na Badakhshan

Yeh raaz kisi ko nahi maloom keh Momin Qari nazar aata hai haqeeqat mein hai Quran

Qudrat ke maqasid ka ayar is ke iraday Dunya mein bhi meezan, qayamat mein bhi meezan

Jis se jigar-e-lala mein thandak ho woh shabnam Daryaoon ke dil jis se dehal jayen, woh toofan

Free Up Space - Get Lyrics Without Bulky Screenshots!

Fitrat ka sarood-e-azali is ke shab-o-roz Aahang mein yakta sifat-e-Surah-e-Rehman

Bantay hain meri kargah-e-fikr mein anjum Le apnay muqaddar ke sitaray ko tu pehchan