Farogh e Waqt Ke Hai Tera

فروغ وقت کہ ہے تیرا راہرو اب بھی محیطِ عصرترےعشق کی ہےضواب بھی

اُنہیؐ کےدرپہ گرو جس طرح سےہو اب بھی کہ ایک سانس کی فرصت ہےدوستو اب بھی

ترےوجود سےہے کائنات حسن شعار ترےجنوں میں عناصرہیں مدح گواب بھی

یہ کائنات توکیا لامکاں بھی وجد میں ہے نہالِ سدرہ پہ ہے کوئی نعت گو اب بھی

وہ نور، صلّ علیٰ، ساعتِ دعاۓ حرا جبینِ آخرِ شب پرہے جس کی ضواب بھی

صبا کے ہاتھ میں بوۓ گلِ مدینہ ہے صبا کے ہاتھ سےخیرات مانگ لواب بھی

صبا مدینےسےآئی ہےروشنی لےکر چراغِ دل کو صبا آشنا کرواب بھی

حضورﷺ آپ کی امت کےکارواں کی خیر کہ راہزن ہیں نہاں بن کےراہرو اب بھی

فصیلِ شہرپہ لکھاّ ہے گرچہ کل کا عذاب درِ نجات کُلھا ہے ستم گرو اب بھی

نوید حسنِ مقدّر ہے خفتہ بختوں کو حضورؐ بانٹ رہےہیں کرم، گرواب بھی

اِک اُمتی کہ ندامت میں مرگیا ہے حضورؐ کرم کی بھیک ملے، اِلتفات ہو اب بھی

ہواۓ نعت ہےگل رنگ موسموں کی نقیب درِ سخن پہ کھڑی ہے بہارِنو اب بھی

حضورؐ قطرےکو دریا کی وسعتیں دیں گے گداۓکوچۂ رحمت، صدا کرو اب بھی

یہ روشنی سی جو باقی ہے کاسۃ سرمیں کچھ اس طرح ہوکہ صرفِ کتاب ہواب بھی

نڈھال کرگیا طوفان رنگ و بو مجھ کو اے شاہِ فقر! تنفس اُجال دو اب بھی

غم رضاۓ نبیؐ کی تھی چودھویں کل رات ہجوم شوق ہے پلکوں پہ محوِ ضو اب بھی

عزیزؔ ٹوٹنے والا ہے اب حصارِ بدن وجود وقفِ در مصطفیٰﷺ کرواب بھی