Dil Uss Ko Kehte Hain

دِل اس ہی کو کہتے ہیں جو ہو ترا شیدائی اورآنکھ وہ ہی ہے جو ہو تیری تماشائی

کیوں جان نہ ہو قرباں صدقہ نہ ہو کیوں اِیماں اِیمان ملا تم سے اور تم سے ہی جاں پائی

خلقت کے وہ دُولہا ہیں محفل یہ انہی کی ہے ہے ان ہی کے دَم سے یہ سب اَنجمن آرائی

Instant Access to Thousands of Lyrics - Tap to Install!

یاشاہِ رُسل چشمے بر حالِ گدائے خود کزحالِ تباہ وے دانائی و بینائی

بے مثل خدا کا توبے مثل پیمبر ہے ظاہر تری ہستی سے اللہ کی یکتائی

آقاؤں کے آقا سے بندوں کو ہو کیا نسبت اَحمق ہے جو کہتا ہے آقا کو بڑا بھائی

سینہ میں جو آجاؤ بن آئے مرے دل کی سینہ تو مدینہ ہو دل اس کا ہو شیدائی

دل تو ہو خدا کا گھر سینہ ہو ترا مسکن پھر کعبہ و طیبہ کی پہلو میں ہو یک جائی

اس طرح سما مجھ میں ہوجاؤں میں گم تجھ میں پھر تو ہی تماشا ہو اور تو ہی تماشائی

اس سالکِؔ بیکس کی تم آبرو رکھ لینا محشر میں نہ ہو جائے آقا کہیں رُسوائی