Dil Tera Liye Jab

دل تیرہ لیے جب سوئے محمد ﷺ نکلا روشنی بانٹنے بازو ئے محمد ﷺ نکلا

جب بھی دنیا کی ہوائیں مجھے لینے آئیں اوڑھ کر چادر خوشبوئے محمد ﷺ نکلا

مل گئی راہ مِری پیاس کو میرے غم سے دل میں ڈوبا تو سرِ جوئے محمد ﷺ نکلا

دُور سے جو درِ کعبہ نظر آیا مجھ کو پاس جاکر خمِ ابروئے محمد ﷺ نکلا

لالہ و گل ہی نہ تھے آپ کے قدموں کے نشان چاند بھی حلقۂ گیسوئے محمد ﷺ نکلا

Find Your Favorite Lyrics Anytime, Anywhere - Install the App Today!

عشق کی رحل پہ قرآن جو کھولا میں نے ہر ورق آئنہ رُوئے محمد نکلا

نفس امارہ پہ بے خوف چڑھائی کر دی میرا احساس بھی گبروئے محمد ﷺ نکلا

ہم مظفر کو سمجھتے تھے بہت ہی کمتر وہ ستم گر تو سگِ کوئے محمد ﷺ نکلا