Chhura Deti Hai Fikr e Ghair Se

Chura deti hai fikr-e-ghair se ta'seer-e-maikhana Mili hai arsh ki zanjeer se zanjeer-e-maikhana

Parho badah gusaro ab namaz-e-khud faramoshi Hui hai sheesha-e-mai se, buland takbeer-e-maikhana

Khara hai jhoomta koi para hai loot-ta koi Ajab qudsi sifat hai maikasho taqdeer-e-maikhana

Download Lyrics & Access Offline - Install Our App Now!

Na de meena, na de saghar, mujhe is ki nahi haajat Nigah-e-mast kaafi hai teri ae peer-e-maikhana

Gunah-garon mein may-e-ishq-e-haq taqseem hoti hai Salamat ba-karamat Ya Ilahi, meer-e-maikhana