Bayan Kis Munh Se Ho

بیاں کس منہ سے ہو اس مجمع البحرین کا رتبہ جو مرکز ہے شریعت کا طریقت کا ہے سر چشمہ

بنا اس واسطے اللہ کا گھر جائے پیدائش کہ وہ اسلام کا کعبہ ہے یہ ایمان کا کعبہ

وہ ہے خاموش قرآں اور یہ قرآنِ ناطق ہیں نہیں جس دِل میں یہ اس میں نہیں قرآن کا رستہ

دُلہن زہرہ عمر داماد اور حسنین سے بیٹے تری ہستی ہے اَعلی اور بالاتر ترا کنبہ

Stop Wasting Storage - Download Lyrics in Lightweight Text Format!

نبی کی نیند پر اس نے نمازِ عصر قرباں کی جو حاضر کرچکا تھا اس سے پہلے جان کا ہدیہ

نہ کیونکر لوٹتا اس کے لیے ڈوبا ہوا سورج کہ جب اس چاند کے پہلو میں اِک سورج کا تھا جلوہ

تعالَی اللہ تری شوکت تری صولت کا کیا کہنا کہ خطبہ پڑھ رہا ہے آج تک خیبر کا ہر ذرہ

مسلمانو رسول اللہ کی اُلفت اگر چاہو کرو اس کی غلامی جس کا ہر مومن ہوا بندہ

ہو چشتی قادری یا نقشبندی سہروردی ہو مِلا سب کو ولایت کا انہی کے ہاتھ سے ٹکڑا

ہے صدقہ میل پھر اس پاک و ستھرے کو رَواکیوں ہو کہ دنیا کھارہی ہے جس کی آلِ پاک کا صدقہ

علی مشکلکشا ہیں سب کے سالک ؔکا سہارا ہیں ہر اِک محتاج ان کا ہو جواں بوڑھا ہو یا بچہ