Ban Kar Faqeer Jao Sarkar Ki Gali Main

Ban kar faqeer jaao Sarkar ki gali mein Dil ki muraadein paao Sarkar ki gali mein

Aisa kareem koi tum ko na phir mile ga Baithe raho gadaao Sarkar ki gali mein

Jaisa bhi zakhm hoga achha zaroor hoga Khaak-e-shifa lagaao Sarkar ki gali mein

Free Up Space - Get Lyrics Without Bulky Screenshots!

Duniya o deen ki har ik nemat mile gi Aao faqiro aao Sarkar ki gali mein

Jannat mein rehne wali hooron se koi keh de Ik tum bhi ghar banaao Sarkar ki gali mein

Sunta nahin tumhari koi agar kahani Dil khol kar sunaao Sarkar ki gali mein

Tauheen-e-ishq hai yeh koi aur yaad aaye Sab kuch hi bhool jaao Sarkar ki gali mein

Main so gaya hoon shayad khwabon mein hi woh aayein Mujh ko na tum jagaao Sarkar ki gali mein

Mar kar bhi meri mayyat Nasir yahi kahe gi Turbat meri banaao Sarkar ki gali mein