Baad e Rehmat Sanak Sanak Jaye

بادِ رحمت سنک سنک جائے وادئ جاں مہک مہک جائے

نامِ پاک اُن کا ہو لبوں سے ادا شہد گویا ٹپک ٹپک جائے

جب چھڑے بات نطقِ حضرت کی غنچۂ فن چٹک چٹک جائے

Your Lyrics, Even Offline - Install the App for Free!

ارضِ دل سے اٹھے نوائے درود گونج اس کی فلک فلک جائے

رہنما گر نہ ہو وہ سیرتِ پاک ہر مسافر بھٹک بھٹک جائے

فیضِ چشمِ حضور کیا کہنا ساغرِ دل چھلک چھلک جائے

چشمِ سرکار گر نہ ہو نگراں نسلِ آدم بہک بہک جائے

ماہِ طیبہ کا جب خیال آئے شبِ ہجراں چمک چمک جائے

مطلعِ کائنات پر تائب نور کس کا جھلک جھلک جائے