Adem Se Layi Hai

عدم سے لائی ہے ہستی میں آرزوۓ رسول کہاں کہاں لۓ پھرتی ہے جستجوۓ رسول

خوشا وہ دل کہ ہو جس دل میں آرزوۓ رسول خوشا وہ آنکھ جو ہو محوحسن روۓ رسول

بلائیں لوں تری اے جزب شوق صل علیٰ کہ آج دامن دل کھچ رہا ہے سوۓ رسول

تلاش نقش کف پاۓ مصطفیٰ کی قسم چنے ہیں آنکھوں سے ذرات خاک کوۓرسول

شگفتہ گلشن زہرا کا ہر گل تر ہے کسی میں رنگ علی اور کسی میں بوۓ رسول

پھر ان کے نشہ عرفان کا پوچھنا کیاہے جو پی چکے ہیں ازل میں مۓ سبوۓرسول

وجب تماشا ہو میدان حشر میں بیدم کہ سب ہوں پیش خدا اور روبروۓ رسول