Mehshar Mein Maghfirat Ki Khabar

مَحشَر میں مَغفِرَت کی خَبَر غوثِ پاک ہیں سب کُچھ مِرا ہے میرے اگر غوثِ پاک ہیں

خیرُ الوریٰ کی آل ہیں مولا علیؓ کے لال خیرُالنّساؓ کے نُورِ نَظَر غَوثِ پاک ہیں

گردَن پہ ہر ولی کے قدَم غَوثِ پاک کا تارے ہیں سب ولی تَو قمر غَوثِ پاک ہیں

مایُوسِیوں میں دِل اُجالا اُن کا نام ہے شَبہاۓ غَم میں نُورِ سَحَر غَوثِ پاک ہیں

بغداد مُحتَرَم دیارِ نبی کے بعد یعنی رَسُول اِدھر تَو اُدھر غَوثِ پاک ہیں

اِلحاد و زندقہ کو فنا کرکے رکھ دیا دِینِ مُبِیں کی فتح و ظفَر غَوثِ پاک ہیں

اُن کے نَسَب میں نُورِ مُحَمَّد ہے جَلوَہ گر بےشک حَسَنؓ کے لَختِ جِگر غَوثِ پاک ہیں

ہیں اَولِیا کے یُوں تَو مراتِب جُدا جُدا اِن سب کے سربراہ مگر غَوثِ پاک ہیں

قُربَت خُدا سے اَور قَرابَت رَسُول سے مِہرِ سِپِہرِ نَوعِ بَشَر غَوثِ پاک ہیں

کیا خُوب ہے نصیرؔ یہ مِصرع امیرؔ کا اللہ بھی اُدھر ہے جِدھر غوثِ پاک ہیں