Ibadaton Ke Jahan Par

عبادتوں کے جہاں پر حسینؑ کا حق ہے نماز سجدہ اذاں پر حسینؑ کا حق ہے

یہ کہہ کے چھوڑ دیا حُرؑ نے شام کا لشکر کھلا یہ سورہء توبہ کا ترجمہ مجھ پر ہر ایک سچی زباں پر حسینؑ کا حق ہے

خدا کی بخشی ہوئی جاں تو لے چکی مرے امامؑ نے مجھکو دوبارہ زندہ کیا بس اب حبیبؑ کی جاں پر حسینؑ کا حق ہے

ہم اہلِ عشق جو گھر میں علم سجاتے ہیں تعارف اپنا زمانے کو یہ بتاتے ہیں مکین ہم ہیں مکاں پر حسینؑ کا حق ہے

الہٰی خلد کی اہلِ عزا کو کیا خبر غلام خوش رہیں گے مالکوں کی چوکھٹ پر وہیں بسا دے جہاں پر حسینؑ کا حق ہے

Offline Lyrics Anytime, Anywhere - Download the App Today!

پکارتا ہے یہ راہب مجھے نصیب نہ تھے یہ سات بیٹے دے مجھکو ابنِ زہراؑ نے سو میرے نام و نشاں پر حسینؑ کا حق ہے

وہ بارگاہ ہو مسجد کہ خانہء کعبہ وہ کوہِ طور کی منزل ہو بعدِ عاشورہ جہاں خدا ہے وہاں پر حسینؑ کا حق ہے

یزید دیکھ یہی فتح کی دلیلیں ہیں تیری سپاہ سے بڑھ کر یہاں سبیلیں ہیں یہ دیکھ آبِ رواں پر حسینؑ کا حق ہے

جو پہرے دار رہے تھے مزارِ زینبؑ پر وہ سب شہید یہ کہتے ہیں شام کے اکبرؔ ہر انقلابِ زماں پر حسینؑ کا حق ہے