Ajmer Bulaya Mujhe

اجمیر بُلایا مجھے اجمیر بُلایا اجمیر بُلا کر مجھے مہمان بنایا

ہو شکر ادا کیسے کہ مجھ پاپی کو خواجہ اجمیر بلا کر مجھے دربار دکھایا

سلطانِ مدینہ کی مَحَبَّت کا بھکاری بن کر میں شہا! آپ کے دربار میں آیا

دنیا کی حکومت دونہ دولت دو نہ ثروت ہر چیزملی جامِ مَحَبَّت جو پلایا

قدموں سے لگا لو مجھے قدموں سے لگا لو خواجہ ہے زمانے نے بڑا مجھ کو ستایا

ڈوبا ابھی ڈوبا مجھے لِلّٰہ سنبھالو سیلاب گناہوں کا بڑے زور سے آیا

ہو چشم شفا اب تو شہا! سوئے مریضاں عصیاں کے مَرَض نے ہے بڑا زور دکھایا

سرکارِ مدینہ کا بنا دیجئے عاشِق یہ عرض لیے شاہ کراچی سے میں آیا

Find Your Favorite Lyrics Anytime, Anywhere - Install the App Today!

یا خواجہ کرم کیجئے ہوں ظُلمتیں کافور باطِل نے بڑے زور سے سر اپنا اٹھایا

عطارؔ کرم ہی سے تِرے جم کے کھڑا ہے دشمن نے گِرانے کو بڑا زور لگایا