Khudi Ka Sir e Nehan

خودی کا سرِّ نہاں لا الہ الا اللہ خودی ہے تیغِ فساں لا الہ الا اللہ

یہ دور اپنے براہیم کی تلاش میں ہے صنم کدہ ہے جہاں لا الہ الا اللہ

کیا ہے تو نے متاعِ غرور کا سودا فریبِ سود و زیاں لا الہ الا اللہ

یہ مال و دولتِ دنیا یہ رشتہ و پیوند بتانِ وھم و گماں لا الہ الا اللہ

خرد ہوئی ہے زمان و مکاں کی زنّاری نہ ہے زماں نہ مکاں لا الہ الا اللہ

یہ نغمہ فصلِ گُل و لالہ کا نہیں پابند بہار ہو کہ خزاں لا الہ الا اللہ

Download Lyrics & Access Offline - Install Our App Now!

اگرچہ بت ہیں جماعت کی آستینوں میں مجھے ہے حکمِ اذاں لا الہ الا اللہ