Hayat Se Bara Hai

حیات سے بڑا ہے کائنات سے بڑا ہے وہ ثبوت سے عظیم ہے ثبات سے بڑا ہے وہ

زبان ساتھ دے مگر شعور کی حدود تک شعور و لاشعور کی لغات سے بڑا ہے وہ

خدا کا اور بندہء خدا کا کیا مقابلہ ہر ایک چیز سے ہر ایک ذات سے بڑا ہے وہ

قریب سے قریب تر بعید سے بعید تر رسائی حواس و نفسیات سے بڑا ہے وہ

ہم اسکی جس قدر ثنا کریں ہے کم بہت ہی کم کہ ساری خوبیوں سے سب صفات سے بڑا ہے وہ

More Lyrics, Less Storage - Install the App and Ditch the Screenshots!

کسی کی فکر و فہم کی گرفت میں نہ آسکے تخّیلات سے تصورات سے بڑا ہے وہ