Aye Muhammad Ke Rab

اے محمدؐ کے رب تیری سب پر نظر سب کو تیری طلب اے محمدؐ کے رب

جنبشِ چشم و لب گردشِ روز و شب دورِ لطف و طرب عہدِ زیر غضب غیب وموجود سب سب ہے تیرے سبب اے مسبب لقب جُز ترے ہم کو اب کِس کی ہوگی طلب اے محمدؐ کے رب

نجم و خورشید و ماہ مسجد و خانقاہ سنگِ دَر، سنگِ راہ تخت و تاج و کلاہ خواجۃ جاں پناۃ تیری ہر جلو گاہ اعتبارِ نگاہ مطلعِ عزوجاہ بارگاہِ ادب اے محمدؐ کے رب

بزم تیرا جمال رزم تیرا جلال مرکز اتصال باہمہ لایزال تیری کیا ہو مثال بہر ہر خستہ حال صرف تیرا خیال چارۃ ہر ملال ردِ رنج و تعب اے محمدؐ کے رب

کارِ دنیا و دیں یہ مکاں یہ مکیں یہ یار و یمیں یہ آزماں یہ زمیں یہ سپہر بریں تجھ سے سب بالیقیں اے حیات آفریں تو کسی سے نہیں تیری قدرت عجب اے محمدؐ کے رب

کیا گداۓ حرم کیسے دارا و جم کچھ جُدا، کچھ بہم ہر جبیں بیش و کم تیرے در پر ہے خم تیرا دستِ کرم جھولیوں کا بھرم اے خداۓ عجم اے الہٰ عرب اے محمدؐ کے رب

عرصۃ بحر و بر مزرع خشک و تر دورِ شمس و قمر قلب جن و بشر اپنے مقدور بھر عجز کی راہ پر سب ہیں گرم سفر تیری سب پر نظر سب کو تیری طلب اے محمدؐ کے رب

حاصل جستجو ہر بُن مومیں تُو پَر لب آب جو تیری ہی گفتگو تجھ سے ہےکُو بہ کُو اعتبارِ نمو تیرا نام نکو پھول میں رنگ و بو برق میں تاب و تب اے محمدؐ کے رب

اے مرے کردگار کس کو تجھ بن قرار سبزہ وبرگ و بار خاک و خاشاک خار نغمہ خوانِ بہار تیرا ہر شاہکار تیرا سجدہ گزار کیا ترہ کیا خیار کیا تمر کیا عنب اے محمدؐ کے رب مصدرِ کائنات تیری جملہ صفات شانِ اظہار ذات برسرِشش جہات برق رو سالمات ذرے مع ذریات منظرِ ممکنات رہ گزارِ حیات تجھ سے روشن ہے سب اے محمدؐ کے رب

حُسنِ بے خال و خد قامتِ بے جسد تُو ازل، تُو ابد تُو احد، تُو صمد رازقِ نیک و بد قدرِ داد دستبد ماوراۓ خرد مصطفیٰ ایک حد ایک حد بُو لہب اے محمدؐ کے رب

عصر و اعیان ہیں زیست کی جان ہیں عدل و احسان ہیں حق کا عرفان ہیں روح قرآن ہیں سب کا ایقان ہیں میرا ایمان ہیں تیری پہچان ہیں تیرے طحہٰ لقب اے محمدؐ کے رب